តាញ៉ញក្លើខ្ញុំ ខែ តុលា 6, 2009

តាញ៉ញក្លើខ្ញុំគឺជារឿងជីវិតពិតមួយរបស់តាស៊ីក្លូដែលបានជួបប្រទះ ហើយក៏ជារឿងមួយដែលគួរឲ្យអស់

សំនើចបំផុតពីតាញ៉ញ។ រឿងរ៉ាវមានដូចតទៅនេះ ……..

 

តាញ៉ញមានអាយុប្រហែលជាខ្ទង់៦០ឆ្នាំប្លាយ គាត់ជាអ្នកភូមិដែលមកធ្វើការនៅទីរួមខេត្តសៀមរាបក្នុង

ឋានះជាកម្មករជំនាញ ជួយរែកដី អារឈើ ជីកដីដល់ក្រុមអង្គការមួយ។ តាញ៉ញគឺជាមនុស្សចាស់ដ៏គួរឲ្យ

គោរពម្នាក់ក្នុងចំណោមកម្មករដែលមកធ្វើការជាមួយនឹងពួកគាត់។ គាត់ស្លូតបូត ហើយចិត្តបានខ្លាំងណាស់

ម៉្យាងទៀតគាត់ក៏ជាមនុស្សទៀងត្រង់ផងដែរ។ បើប្រាប់គាត់ថាឲ្យធ្វើប៉ុណ្ណេះគឺគាត់ធ្វើតែប៉ុណ្ណេះតាមយើង

បា្រប់តែប៉ុណ្ណោះ។ បើពេលគាត់និយាយជាមួយនឹងតាស៊ីក្លូម្តងៗ គាត់តែងតែដោះមួកស្លឹករបស់គាត់ចេញ

 បោះចោលបារីស្លឹកសង្កែរបស់គាត់បៀមនៅជាប់មាត់ហើយនិយាយញញឹមពព្រាយ អោបដៃ អោនក្បាល

 បើទោះបីជាតាស៊ីក្លូធ្លាប់បានប្រាប់គាត់ប៉ុន្មានដងរួចមកហើយថាមិនបាច់ដោះមួកទេពេលនិយាយជាមួយ

ខ្ញុំនោះ ព្រោះពេលដែលខ្ញុំចុះទៅពិនិត្យការងារនៅដល់កន្លែង ខ្ញុំក៏ដូចជាតាញ៉ញនិងក្រុមគ្នីគ្នាដែរ ប៉ុន្តែបើ

សិនទៅការិយាល័យធំនៅឯក្រុងនោះ សឹមតាញ៉ញគោរពតាមច្បាប់ទំលាប់របស់កន្លែងការងារទៅចុះព្រោះ

នៅទីនោះមានមនុស្សច្រើនជាតិសាសន៏ចំរុះគ្នាធ្វើការ។បើទោះបីជាគាត់មានអាយុចាស់ច្រើនយ៉ាងណាក៏

ដោយគាត់តែងតែហៅតាស៊ីក្លូថាបងៗ រហូត​ទោះបីជាតាស៊ីក្លូព្យាយាមប្រាប់គាត់ច្រើនលើកច្រើនសារយ៉ាង

ណាក៏ដោយ​កុំឲ្យហៅតាស៊ីក្លូថាបងព្រោះវាជាពាក្យមិនសមរម្យនឹងហៅ ម៉្យាងទៀតគាត់ចាស់ជាងតាស៊ីក្លូច្រើន

ណាស់។ តាស៊ីក្លូបានព្យាយាមកែគាត់នឹងប្រាប់គាត់ជាច្រើនលើកច្រើនសារដោយអនុញ្ញាតិឲ្យគាត់ហៅឈ្មោះ

តាស៊ីក្លូផ្ទាល់តែម្តង ប៉ុន្តែគាត់នៅតែមិនព្រមដោយគាត់និយាយថានេះជាទំលាប់របស់អ្នកភូមិស្រុករបស់គាត់ .. 

………  អាយុរបស់គាត់ដំណាលនឹងលោកឪពុករបស់តាស៊ីក្លូ​ …..

 

ធ្វើការជួបមុខគ្នារាល់ថ្ងៃ តាស៊ីក្លូមិនដែលបានចាត់ទុកនិងបែងចែកឋានះថាតាញ៉ញនិងក្រុមគ្នីគ្នារបស់គាត់ជា

កម្មករហើយតាស៊ីក្លូជាប្រធានអ្វីទេ ព្រោះតាស៊ីក្លូគោរពពួកគាត់ខ្លាំងណាស់បើទោះបីជាពួកគាត់ធ្វើការដោយ

ប្រើកំលាំងកាយក៏ដោយ។ ជារឿយៗនៅថ្ងៃសៅរ៏អាទិត្យខ្លះ តាស៊ីក្លូបានជួយលុយដល់ក្រុមពួកគាត់យកទៅ

ទិញប៊ីយ៊ែរ និងសាច់ក្លែមជប់លៀងគ្នីគ្នារបស់គាត់ ព្រោះពួកគាត់មិនដែលបានស្គាល់រសជាតិប៊ីយ៊ែរទេ (តាស៊ីក្លូ

មិនដែលបានសួរពួកគាត់ថាតើប្រាក់ខែរបស់ពួកគាត់ប៉ុន្មាននោះទេ ប៉ុន្តែតាមតាស៊ីក្លូស្មានទៅប្រាក់ខែពួកគាត់

ខ្ទង់តែ៣០ដុល្លារប៉ុណ្ណោះ ហើយប៊ីយ៊ែរមួយកេស១០ដុល្លារ។​ដូច្នេះពួកគាត់ជាអ្នកភូមិក្រីក្រ មិនអាចមានលទ្ធ

ភាពទិញប៊ីយ៊ែរញ៉ាំទេ។ រាល់ថ្ងៃពួកគាត់ផឹកតែស្រាសតែប៉ុណ្ណោះដែលភាសាអ្នកស្រុកហៅថា អង្ករបិត ហើយ

ក្លែមសាច់ឆ្កែ សាច់សត្វផ្សេងទៅតាមលទ្ធភាពរបស់ពួកគាត់អាចរកបាន)។​ ពួកយើងស្និតស្នាលនឹងគ្នាខ្លាំងណាស់។

 ពេលខ្លះពួកយើងនិយាយចំអន់គ្នាលេងសើចហ៊ោ សប្បាយទៅតាមចរិតមនុស្សប្រុសនៅពេលដែលតាស៊ីក្លូចុះទៅ

ពិនិត្យការងាររបស់ពួកគាត់ជាមួយនឹងប្រធានធំដែលជាជនបរទេសម្តងៗ។ ប្រធានធំរបស់តាស៊ីក្លូនោះ ក៏បានដូចចិត្ត

ទៅទៀត។ គាត់នោះស្រលាញ់ខ្មែរណាស់ ហើយក៏រាប់អានក្រុមតាញ៉ញខ្លាំងណាស់ដែរ។ ជារឿយៗគាត់ក៏តែងតែផ្តល់

លុយកាក់ក្រៅខ្លះដល់ក្រុមតាញ៉ញជានិច្ចដើម្បីឲ្យពួកគាត់បានជប់លៀងសប្បាយ។ ពេលខ្លះដែលគាត់ចុះទៅពិនិត្យការងារ

នៅការដ្ឋានជាមួយនឹងតាស៊ីក្លូៗឃើញគាត់អង្គុយមូរបារីស្លឹកសង្កែជក់ជាមួយនឹងក្រុមតាញ៉ញពេលសំរាក ហើយបន្តការងារ

តទៅទៀតដោយមិនគិតពីឋានះថាខ្លួនជាប្រធានធំ អ្វីឡើយ។ ដល់គាត់សាមញ្ញ ដាក់ខ្លួនបែបនេះទៅ ក្រុមបុគ្គលិក​ កម្មករ

ក្រោមឪវាទរបស់គាត់កាន់តែគោរពនិងស្រលាញ់គាត់កាន់តែខ្លាំងឡើងៗ ។

 

 បើទោះបីជាពួកយើងស្និតស្នាលនឹងគ្នាយ៉ាងណាក៏ដោយក៏ពួកគាត់នៅតែគោរពតាស៊ីក្លូជានិច្ចមិនហ៊ាននិយាយអ្វីលេងសើច

 ផ្តេសផ្តាសប៉ះពាល់ដល់តាស៊ីក្លូទេ ព្រោះពួកគាត់ដឹងច្បាស់ពីចរិតរបស់តាស៊ីក្លូនៅពេលធ្វើការងារថាជាមនុស្សបែបណា?

 

តាស៊ីក្លូនិងប្រធានធំជាជនបរទេសត្រូវបានតាញ៉ញបបួលទៅលេងនៅផ្ទះគាត់នៅក្នុងភូមិមួយនៅខេត្តសៀមរាប។

ពីទីក្រុងសៀមរាបទៅផ្ទះរបស់គាត់គ្មានផ្លូវថ្នល់ដែលអាចឲ្យពួកយើងជិះម៉ូតូឬឡានទៅបានទេក៏ព្រោះតែផ្លូវមាន

សភាពសែនលំបាកបំផុត (កាលនោះគេមិនទាន់ធ្វើផ្លូវទេ)។ ដូច្នេះពួកយើងត្រូវធ្វើដំនើរដោយថ្មើរជើងដើម្បីទៅ

លេងផ្ទះរបស់គាត់។តាស៊ីក្លូមិនបានដឹងថាតើចំងាយផ្លូវពីក្រុងសៀមរាបទៅដល់ផ្ទះរបស់គាត់មានចំងាយប៉ុន្មាន

គីឡូម៉ែត្រទេព្រោះមិនបានរាប់ដោយគិតថាវានៅជិតបង្កើយព្រោះឃើញពួកគាត់ជិះកង់មកធ្វើកាជាក្រុមៗហើយ

មកដល់កន្លែងធ្វើការជារៀងរាល់ព្រឹកម៉ោង៧ ( ការិយាល័យធំចាប់ផ្តើមនៅម៉ោង ៨ព្រឹក ហើយតាស៊ីក្លូមកដល់

កន្លែងធ្វើការនៅម៉ោង ៧ និង៤៥នាទីព្រឹកជារៀងរាល់ថ្ងៃ។ មុននឹងពួកគាត់ទៅធ្វើការនៅការដ្ឋាន ពួកគាត់តោង

ត្រូវមកជួបប្រជុំគ្នានៅការិយាល័យធំជារៀងរាល់ថ្ងៃដើម្បីស្តាប់ការប្រជុំដាក់ផែនការធ្វើការងារ។ នៅពេលប្រជុំចប់

កន្លែងការងារមានឡានដឹកពួកគាត់ទៅការដ្ឋានធ្វើការ ហើយល្ងាចម៉ោង ៤ ឡានទៅដឹកពួកគាត់ពីការដ្ឋានយកមក

ការិយាល័យធំវិញ)។

 

កណ្តាលថ្ងៃក្តៅចែសស្ទើរតែបែកក្បាលថ្ងៃសៅរ៏ខែចេត្រ ក្រុមរបស់យើងមានគ្នាជិត១០នាក់បានដើរកាត់វាល

កាត់ព្រៃ ដើម្បីទៅផ្ទះតាញ៉ញ។ ដោយដើរយូរពេក តាស៊ីក្លូរាងធុញទ្រាន់ ណាមួយរាងហត់ផង ក្តៅផង អស់កំ

លាំងផង ហើយស្រែកទឹកទៀត តាស៊ីក្លូក៏បានសួរទៅតាញ៉ញថា ” តាញ៉ញ ! តើផ្ទះតានៅឆ្ងាយដែរទេ? ” តាញ៉ញ

បានឆ្លើយប្រាប់មកវិញដោយយកមាត់ចង្អុលថា ” នៅទីនេះ” ។ តាស៊ីក្លូក៏បន្តដើរតទៅទៀតជាមួយនឹងគ្នីគ្នារបស់

យើង (សូមបញ្ជាក់ពួកគេទាំងអស់គ្នាសុទ្ធតែជាអ្នកភូមិជាមួយគ្នា ហើយមានតែតាស៊ីក្លូម្នាក់គត់ដែលជាអ្នកទីក្រុង

ហើយនៅក្មេងជាងគេបង្អស់។) ដោយដើរបណ្តើរជជែកគ្នាលេងបណ្តើរ ប្រលែងគ្នាបណ្តើរ …….

 

ដើរក្បែរ១ម៉ោងទៅហើយនៅតែមិនទាន់ដល់ផ្ទះតាញ៉ញទៀត តាស៊ីក្លូចាប់ផ្តើមធុញទ្រាន់កាន់តែមែនទែន ព្រោះ

វាក្តៅ ហើយស្រែកទឹក ម៉្យាងអស់កំលាំងទៀត។ តាស៊ីក្លូក៏បានសួរទៅតាញ៉ញម្តងទៀតថា ” តាញ៉ញ ! រួចចុះដើរ

ថ្មើរណាទៅទើបដល់ផ្ទះតាញ៉ញឯង?)។ តាញ៉ញយើងក៏បានឆ្លើយតបមកតាស៊ីក្លូវិញដោយនៅក្នុងមាត់របស់គាត់

បៀមបារីស្លឹកសង្កែរីកប៉ុនកដៃថា​ ” ហ៉ឺម  ដើរតែអស់ម៉ាកន្ទុយបារីនេះទៀតដល់ហើយ ! នៅទីនេះហ្នឹង ! “ ។

 តាស៊ីក្លូដោយនឹកថាបារីគាត់តូចទេ ដូច្នេះផ្ទះគាត់ច្បាស់ជានៅជិតនេះហើយទើបមិនបានចាប់អារម្មណ៏ដោយនឹកថា

ច្បាស់ជាជិតដល់ផ្ទះគាត់ហើយ ក៏ចេះតែបន្តដើរតទៅទៀតតាមគាត់ទាំងអស់កំលាំង ទាំងស្រែកទឹក ទាំងក្តៅ។

 

ដើរកាន់តែយូរ កាន់តែឆ្ងាយទៅៗ ……​ តាស៊ីក្លូមិនហ៊ានសួរតាញ៉ញម្តងទៀតទេព្រោះខ្លាចគាត់គិតថាតាស៊ីក្លូធុញ

ទ្រាន់ដូច្នេះចេះតែដើរតទៅទៀតទៅ ស្រាប់តែ ចុមយក្ស ! តាស៊ីក្លូភ្ញាក់ខ្លួនដូចគេជាន់ក្បាលពស់វែកអញ្ចឹង ! ចាញ់

បោកតាញ៉ញហើយតើ តាស៊ីក្លូ ! ចេះតែដើរៗៗៗៗតាមគាត់ដោយនឹកស្មានថាអស់មួយកន្ទុយបារីដូចគាត់បា្រប់

ច្បាស់ជាដល់ផ្ទះគាត់ហើយ មានឯណាលោកម្ចាស់ថ្លៃអ៊ើយ ! បានអីនឹងដល់ផ្ទះគាត់បើតាញ៉ញគាត់អត់អុចបារីជក់

ផងហ្នឹង !បារីស្លឹកសង្កែគាត់នៅបៀមស្ទុល ជាប់នឹងមាត់រហូត ! អញ្ចឹងតើបានជាដើរក្បែរមួយម៉ោងទៅហើយនៅ

តែមិនទាន់ដល់ទៀត ! (តាស៊ីក្លូហួសចិត្តនឹងចាញ់បោកតាញ៉ញ ហើយក៏ហួសចិត្តនឹងភាសារបស់អ្នកស្រុក ! )។

 

ប្រុច ……. ហុយដីជុក ………… តាញ៉ញរត់លឿនដូចព្រួញចូលទៅក្នុងព្រៃនៅពេលកំពុងតែដើរជាមួយពួកយើង។

តាស៊ីក្លូមិនបានដឹងថាតើគាត់រត់ចូលព្រៃទៅធ្វើអីទេ ព្រោះមើលពីចំងាយប្រមាណជា៤០០ម៉ែត្រពីក្រុមពួកយើង

ឃើញតាញ៉ញកំពុងតែលោតផ្លោតៗ កន្រ្ទប់ចាប់អ្វីមួយ។ តាស៊ីក្លូនឹកថាតាញ៉ញច្បាស់ជាកំពុងតែលោតកន្រ្ទប់ចាប់

ទន្សាយហើយមើលទៅ។ តាស៊ីក្លូរត់ទៅបណ្តើរស្រែកបណ្តើរថា ” តាញ៉ញៗៗៗ! ទន្សាយឬ? ចាប់ទន្សាយ? ខ្ញុំជួយ

ចាប់ “ ។​ ស្រាប់តែម៉ែឪអ្ហើយ ! រត់ទៅដល់ជិតតាញ៉ញ នៅសល់តែប្រហែល១ម៉ែត្រទៀតពីគ្នា តាស៊ីក្លូចាប់ហ្រ្វាំងហុយ

ដីជុកស្ទើរតែដួល។ មានទន្សាយឯណា ! តាញ៉ញបង្ហាញខ្លួនពីក្នុងព្រៃមក​ មាត់នៅបៀមបារីស្លឹកសង្កែស្ទឹល ដៃទាំងពីរ

ចាប់កាន់ច្របាច់កពស់វែក ខ្មៅស្ទីលលៀនអណ្តាតថ្លែនដាក់មុខតាស៊ីក្លូ។  តាស៊ីក្លូចាប់ហ្រ្វាំងផ្តួលខ្លួនទៅនឹងដីភ្លាម

ព្រោះតែរត់លឿនពេក បើមិនចាប់ហ្រ្វាំងផ្តួលខ្លួនទេច្បាស់ជាបុកនឹងពស់វែកដែលតាញ៉ញកំពុងតែកាន់នៅនឹងដៃហើយ។

ម៉្យាងទៀតពស់វែកដែលតាញ៉ញចាប់នោះវានៅនឹងមុខតាស៊ីក្លូតែម្តង កំពុងតែធ្វើភ្នែកស្លឺ លៀនអណ្តាតថ្លឹន

 ដោយសារតែតាញ៉ញច្របាច់កវា ។

 

អស្ចារ្យហើយតាញ៉ញ ! លោតចាប់កន្ទ្រប់ពស់វែកផ្លោតៗធ្វើមើលតែគេលោតចាប់ទន្សាយ !

ពេលដែលត្រូវយំ ខែ តុលា 3, 2009

ជីវិតមនុស្សមិនមែនកើតមកជួបតែរឿងសើច រឿងសប្បាយមួយមុខទេ។ សប្បាយនឹងទុក្ខគឺជាគូរនឹងគ្នា

ដែលតែងតែនៅជាប់នឹងគ្នាប្រៀបដូចជាស្រមោលអន្ទោលតាមប្រាណ។ មនុស្សគ្រប់រូបតែងតែមានការ

សប្បាយនឹងមានទុក្ខខុសៗគ្នាទៅតាមកម្មផលនឹងអំពើរបស់មនុស្សនោះបានធ្វើ។ អ្នកខ្លះសប្បាយចិត្ត

នឹងការសិក្សាដែលបានលទ្ធផលល្អ អ្នកខ្លះសប្បាយចិត្តនឹងរឿងជំនួញរកស៊ីជួញដូរដែលបានកាក់កប

អ្នកខ្លះសប្បាយចិត្តនឹងរឿងគ្រួសារមានសុភមង្គល ហើយក៏មានអ្នកខ្លះសប្បាយចិត្តក្នុងរឿងស្នេហាដែល

សមប្រកបតាមបំណងរបស់ខ្លួនបែបយុវវ័យ។ ផ្ទុយទៅវិញមានអ្នកខ្លះកើតទុក្ខមិនសប្បាយចិត្តដោយសារ

តែការសិក្សា អ្នកខ្លះមិនសប្បាយចិត្តដោយសារតែរបររកស៊ីមិនសមប្រកប អ្នកខ្លះកើតទុក្ខមិនសប្បាយចិត្ត

ដោយសារតែរឿងសុភមង្គលក្នុងគ្រួសារ ហើយក៏មានអ្នកខ្លះកើតទុក្ខនឹងរឿងស្នេហានៅពេលដែលដៃគូរ

សង្សាររបស់ខ្លួនបែកចិត្តទៅមានស្នេហ៏ថ្មី។

 

 ពេលដែលត្រូវយំ គឺជាពេលវេលាដ៏សែនកំណាច កាចសាហាវសំរាប់យុវជនអភ៍ព្វស្នេហ៏ម្នាក់នេះ ក្នុង

ពេលដែលសេចក្តីស្នេហាដ៏សែនផ្អែមល្ហែមរបស់គេនឹងគូរសង្សារត្រូវបានបង្ហាញចេញឡើងដោយសារតែ

ភាគីខាងស្រីដែលជាសង្សារសំណព្វចិត្ត លួចទៅទាក់ទងមានស្នេហាជាមួយនឹងបុរសម្នាក់ទៀតនៅពីក្រោយ

ខ្នងរបស់មាណពយើង។ វាជារឿងគួរអោយឈឺចាប់ ស្ទើរតែក្អួតឈាមរបស់មាណពកំសត់យើងនៅពេលបាន

ដឹងរឿងរ៉ាវពិតបា្រកដនៃស្នេហាដែលគេសង្ឃឹមថានឹងបានឆ្លងដល់ឋានសុភមង្គលបែជាប្រែទៅជាឥតន៍យ ។

 

បើអូនអស់ក្តីស្រលាញ់ពីបងទៅហើយ ហេតុអ្វីបានជាអូនមិនបា្រប់បងមួយម៉ាត់ថាយើងគួរតែដល់

ពេលវេលាត្រូវចប់នឹងបែកគ្នា? ហេតុអីក៏អូនលួចទៅទាក់ទងមានសង្សារថ្មីស្ងាត់ៗនៅពីក្រោយខ្នង

បងដោយមិនបា្រប់បងមួយម៉ាត់ដូច្នេះ? អូនដឹងទេថាអូនធ្វើបែបនេះហាក់ដូចជាអូនយកកាំបិតមក

ចាក់ខ្វេះបេះដូងរបស់បងអញ្ចឹង ! អូនធ្វើឲ្យបងឈឺចាប់ខ្លាំងណាស់ ! អូនធ្វើឲ្យបងស្រែកយំស្រក់

ទឹកភ្នែកហើយ​ តើអូនដឹងទេ? 

 

 

អត្ថបទចំរៀង

 

១. ចំរៀងដែលលាក់ទុកមកជាយូរ ពេលនេះស្រែកថ្ងូរទ្រហ៊ោរទួញយំ

ទឹកភ្នែកមួយតក់ស្រក់ថ្លៃងប្រាប់ខ្ញុំ ថាខ្ញុំជាតិនេះមានកម្មស្នេហា …….

 

២. មិនគួរផ្លាស់ចិត្តផ្លាស់ឥតប្រណី មិនគួរចិត្តស្រីខ្វះក្តីមេត្តា

ចិត្តលបចិត្តហ៊ានលួចមានសង្សារ នេះឬដែលថាស្នេហាភក្តី​ ……

 

R. នឹកឡើងហួសចិត្ត ហួសគិតមិនដល់ ថាចិត្តនិមលស្រាលជាងសំឡី

វិជ្ជរ៉ាហោះហើរ ដូចសត្វបក្សី បានថ្មីចោលចាស់ផ្លាស់តាមតែចិត្ត

 

៣.​ ពេលនេះជាពេលដែលខ្ញុំត្រូវយំ ពេលកើតទុក្ខធំក្នុងរឿងជីវិត

គ្មានសង្ឃឹមទេថាបានស្នេហ៏ស្និទ្ធ ណ្ហើយទ្រាំគ្រាំចិត្តតាមកម្មវាសនា ……

 

ហ៊ឺម ហ៊ឺម ហ៊ឺម ហ៊ឺម ………………

 

ស្រីមាយាទថោក ! ខែ តុលា 1, 2009

ប៉ុន្មានថ្ងៃនេះនៅស្រុកខ្មែរគេនាំគ្នាផ្អើលជ្រួលជ្រើមទិញកាសែតអាន ស្តីពីពត៌មានស្រីទំនើងវ័យក្មេងម្នាក់

ឈ្មោះ ខៃ ដារ៉ា ហៅ ហ្គិច អាយុខ្ទង់ ២០ ឆ្នាំ ដែលប្រើកាំភ្លើងខុសច្បាប់បាញ់បោះសេរី មិនត្រឹមតែប៉ុណ្ណោះ

នៅហ៊ានក្អេងក្អាងយកឈ្មោះអ្នកធំ មកគំរាមសមត្ថកិច្ចនិងអ្នកកាសែតទៀតផង។ នៅក្នុងអត្ថបទកាសែត

ដែលផ្សាយដោយកាសែត ដើមអំពិល និង កាសែតកោះសនិ្តភាព ក្រុមអ្នកកាសែតបានសរសេរអត្ថបទ

ដោយដាក់ចំនងជើងនិងហៅស្រីវ័យក្មេងនោះថា ” ស្រីទំនើង ” ទៅតាមពាក្យដែលនាយករដ្ឋមន្ត្រីខ្មែរលោក

ហ៊ុន សែន បានប្រើ។ បើតាមតាស៊ីក្លូវិញ ការប្រើបា្រស់ពាក្យថា ” ស្រីទំនើងឬប្រុសទំនើង ” វានៅស្ទើរខ្លាំង

ណាស់សំរាប់ពពួកជនពាល គ្មានសីលធម៌អុកឡុកសង្គមខ្មែរនោះ។​ តាស៊ីក្លូសុខចិត្តមិនហៅថាជា ” ស្រីទំនើង

ឬប្រុសទំនើងទៅចុះ ” ដោយគិតថាពាក្យនេះវាហាក់ដូចជាលើកទឹកចិត្តពួកមនុស្សពាលា អាវ៉ាសែទៅវិញទេ។

តាស៊ីក្លូសុំសិទ្ធិហៅពួកនេះថា ” ស្រីមារយាទថោក និង ប្រុសមារយាទថោក ” ទើបវាសាកសមនឹងអាកប្បកិរិយា

សំដីសំដៅ និង អំពើពាលាអាវ៉ាសែរបស់ជនទាំងនោះ។

 

ក្រៅពីបំពានលើច្បាប់រដ្ឋដោយប្រើបា្រស់កាំភ្លើងខុសច្បាប់គ្មានការអនុញ្ញាតិហើយ ស្រីមារយាទថោកមួយនេះ

នៅហ៊ានបាញ់បោះដោយសេរីយ៉ាងអនាធិបតេយ្យដោយគ្មានកោតក្រែង រអាអ្វីឡើយ។ រឿងមួយដែលកាន់តែ

ហួសចិត្តនោះ គឺនៅពេលដែលក្រុមសមត្ថកិច្ចបានចុះទៅធ្វើអន្តរាគមន៏ ហើយក្រុមអ្នកកាសែតបានចុះទៅថត

រូប​ ស្រីមារយាទថោកមួយនេះនៅហ៊ានប្រើពាក្យអសុរសដាក់ក្រុមសមត្ថកិច្ចនិងអ្នកកាសែត ដោយស្រែកជំទាល

ជេរអស់លោកទាំងនោះដោយគ្មានកោតក្រែង។ មិនត្រឹមតែប៉ុណ្ណោះស្រីរូបនេះនៅហ៊ានអួតអាងថាខ្លួនជាក្មួយ

របស់ថ្នាក់ដឹកនាំជាន់ខ្ពស់មានដូចជា សម្តេចចក្រី ហេង សំរិន លោកឧបនាយករដ្ឋមន្រី្ត សុខ អាន ហើយនៅបាន

អួតក្តែងៗថាស្គាល់អស់លោកនៅក្នុងជួរប៉ូលីស មានដូចជានាយឧត្តមសេនីយ៏ នេត សាវឿនទៀតផង ដើម្បីគំរាម

សមត្ថកិច្ច។ នៅក្នុងនាមប័ណ្ណដែលក្រុមលោកអ្នកកាសែតទទួលបាន គេបានឃើញស្រីមារយាទថោកមួយនេះ

អួតបំប៉ោង តំកើងខ្លួនឯងដោយមិនខ្មាស់មាត់ថាជា ” ជំទាវ ” (ជំទាវឲ្យគេក្រិត ! ) ឈ្មោះថា ជំទាវ កែវ រតនះ

មានមុខងារតួនាទីជាទីប្រឹក្សារបស់សម្តេចចក្រី ហេង សំរិន មានឋានះស្មើនឹងរដ្ឋលេខាធិការ ទៀតផង ។

 

ហេហេហេហហេហេ លោកស្រីជំទាវឲ្យគេក្រិតមារយាទថោកអ៊ើយ ! តើអ្នកណាគេផ្តល់ឋានះជាជំទាវដល់លោក

ស្រីនោះ? ការដែលយកឈ្មោះជំទាវមកប្រើបែបនេះវាធ្វើឲ្យអាប់អោនដល់កិតិ្តយស មុខមាត់ ដល់អស់លោកស្រី

ជំទាវដែលមានក្រិតតែងតាំងដោយត្រឹមត្រូវពីព្រះមហាក្សត្រ ពីនាយករដ្ឋមន្រ្តី ស្តាប់ឲ្យច្បាស់ណាលោកជំទាវឲ្យ

គេក្រិតមារយាទថោកអ៊ើយ ! បែបនេះវាធ្វើឲ្យមានការប៉ះពាល់នឹងអាប់អោនដល់លោកស្រីជំទាវដែលពួកគាត់

មានអត្តចរិតរមទម្យ ថ្លៃថ្នូរ សាកសមជាឧត្តមភរិយារបស់លោកឯកឧត្តម ដែលកំពុងតែធ្វើការបំរើរាស្រ្តនឹងប្រទេស

ជាតិ។

 

 

ស្រីមារយាទថោកដែលកំពុងតែនិយាយទូរស័ព្ទរកគ្នីគ្នាឲ្យជួយ ហើយដៃម្ខាងទៀតលូកចូលក្នុងហោប៉ាវអាវកាន់

កាំភ្លើង (រូបថត : កាសែតកោះសន្តិភាពឆ្នាំទី ៤២​ លេខ ៦៧៦៦ ចុះថ្ងៃពុធ ទី ៣០ ខែ កញ្ញា ឆ្នាំ ២០០៩)

 

 

ស្រីមារយាទថោកអ៊ើយ ! អាយុទើបតែ ២០​ ឆ្នាំប្លាយសោះ ហ៊ានអួតបំប៉ោងខ្លួនដោយមិនចេះខ្មាស់មាត់ថា

មានតួនាទីជាទីប្រឹក្សារបស់ថ្នាក់ដឹកនាំជាន់ខ្ពស់ខ្មែរ។ ហេហហេហេហេហ មានសញ្ញាប័ត្រធំ និងមានបទ

ពិសោធន៏ស្អីខ្លះហើយឬនៅក្នុងជីវិត ឬមួយស្រមើស្រមៃជ្រុលទេដឹងដែលចង់បានតួនាទីជាទីប្រឹក្សាថ្នាក់ដឹក

នាំជាន់ខ្ពស់ខ្មែរនោះ?  អាយុខ្ទង់២០ឆ្នាំនៅភ្លើសំបើមណាស់នាង ចាំឲ្យច្បាស់ទៅ !

 

ជំទាវឲ្យគេក្រិតមួយនេះ តាស៊ីក្លូធ្លាប់បានជួបម្តងដែរនៅក្នុងពិធីជប់លៀងរបស់ពួកអភិជននៅស្រុកខ្មែរដែល

ប្រារព្ធធ្វើឡើងនៅក្នុងសណ្ឋាគាទំនើបមួយ។ ក្រៅពីផឹកស្រាថ្លៃៗចប់ ពួកយើងក៏បន្តដើរលេងយប់តទៅទៀត

ដោយក្នុងនោះតាស៊ីក្លូមិនភ្លេចបៀមស៊ីហ្គាទេ នៅពេលធាក់ស៊ីក្លូទៅរកបន្ត រកកន្លែងសប្បាយ។ តាស៊ីក្លូធ្លាប់

ត្រូវបានជំទាវអប្បលក្ខណ៏ម្នាក់នេះផ្តល់នាមប័ណ្ណរបស់ខ្លួនដល់តាស៊ីក្លូផងដែរ។ ក្រោយពីមើលនាមប័ណ្ណចប់

តាស៊ីក្លូចេះតែគិតថា ” យីអ៊ើ ! នៅក្មេងសោះ ហេតុអីក៏មានឋានះខ្ពង់ខ្ពស់ម្ល៉េះ? តាស៊ីក្លូចេះតែសង្ស័យ

ថាជំទាវម្នាក់នេះប្រហែលជាស្រីកំណាន់របស់គេទេមើលទៅ ព្រោះតាមមើលអត្តចរិតនិងអាកប្បកិរិយា

របស់ជំទាវហិនហោចមួយនេះមើលទៅដូចជាមិនសូវថ្លៃថ្នូរសោះ ” ។ ដោយមើលឃើញពីអត្តចរិតមិនសូវ

ថ្លៃថ្នូររបស់ជំទាវហិនហោចមួយនេះហើយទើបតាស៊ីក្លូ មិនសូវជាចាប់អារម្មណ៏យកចិត្តទុកដាក់នឹងនាមប័ណ្ណដែល

លោកជំទាវឲ្យគេក្រិតមួយនេះធ្លាប់បានផ្តល់ឲ្យតាស៊ីក្លូនោះទេ។ បន្លំៗ ពេលដែលស្រីរូបល្អ ចិត្តស្មោកគ្រោកយើង

កំពុងតែប៉ប៉ាច់ប៉ប៉ោច ផឹកស្រាថ្លៃ ស្រវឹង ស្រែកច្រៀងស្ទើរតែបែកក្រដាសត្រចៀក តាស៊ីក្លូសរសៀរៗ ប្រែន ដើរ

ចេញដោយមិនខ្ចីលាមួយម៉ាត់។ មកដល់ផ្ទះវិញ នាមប័ណ្ណត្រូវបានបោះចោលក្នុងធុងសំរាម សំរាប់ក្រុមហ៊ុន ស៊ីនទ្រី

 ដឹកយកទៅចាក់ចោលនៅស្ទឹងមានជ័យ​ ហេហេហេហហ ! តាស៊ីក្លូមិនសូវជាចេះទុកទេ អារបស់អញ្ចឹងៗនោះព្រោះខ្លាច

ស៊យ ខ្លាចចង្រៃខ្លាំងណាស់លោកអ៊ើយ ! វីរវរស៊យ ចង្រៃឆ្លងដល់តាស៊ីក្លូរកម៉ូយ ដឹកលែងបាន អត់លុយ​យកទៅដកមេ

 មិនចេតរ៉យបាត់ហើយ?​ 

 

តាមការចុះផ្សាយរបស់កាសែត ឮដំណឹងរហៀងៗមកថា ស្រីមារយាទថោកមួយនេះ ជាស្រីកំណាន់ (ប្រភេទ

មនុស្សស្រីដែលគេយកលេងសើចសប្បាយ ដល់គេអស់ចិត្តអស់ចង់គេទាត់ក្បាលចោល ! ) របស់ឯកឧត្តមម្នាក់

ផងនៅក្នុងជួរប៉ូលីស។ ហេហេហេហេហេហ លោកស្រីជំទាវឲ្យគេក្រិត ! មានតែសញ្ញាប័ត្រលេងល្បែងស្នេហា

នៅលើគ្រែ បំរើកាមតណ្ហារបស់ឯកឧត្តមនោះទេអី ហេតុអីក៏ហ៊ានស្រមើស្រមៃខ្ពស់ខ្លាំងម្ល៉េះថាជាទីប្រឹក្សារបស់

ថ្នាក់ដឹកនាំខ្មែរនោះ? សញ្ញាប័ត្រនិងបទពិសោធន៏ ម៉្ញិកម៉្ញក់ និង លេងល្បែងស្នេហានៅលើគ្រែរបស់នាងនោះ មិន

ទាន់គ្រប់គ្រាន់ទេនាង !

 

ហេហេហេហ ចៀមពាក់ស្បែកខ្លា ! ចិត្តសឿងហ៊ានប្រើបា្រស់កាំភ្លើងបាញ់បោះ ជេរព្រមានសមត្ថកិច្ច !

 បើខ្លួនឯងចិត្តសឿង ចិត្តខ្លាំងពេលដែលបាញ់បោះហើយ ពេលដែលប៉ូលីសមកឃាត់ធ្វើអន្តរាគមន៏ ម៉េចក៏

ចាំបាច់ភ័យខ្លួន ស្លេកមុខ និយាយទូរស័ព្ទខ្វាត់ខ្វែងរកគ្នីគ្នាឲ្យជួយធ្វើអី? បើចិត្តសឿង ហ៊ានបាញ់បោះដោយ

ខុសច្បាប់ ត្រូវចិត្តសឿងប្រឈមមុខនឹងផ្លូវច្បាប់ ហើយកុំកងកាវ រកគ្នីគ្នាមកឲ្យជួយឲ្យសោះ ! ខ្លួនឯងជាអ្នកធ្វើ

ខ្លួនឯងជាអ្នកហ៊ានទទួលខុសត្រូវ នេះទើបគេហៅថា មនុស្សចិត្តខ្លាំង មនុស្សចិត្តសឿងនិងមានទំនួលខុសត្រូវ

លើទង្វើដែលខ្លួនបានធ្វើស្តាប់បានហើយឬនៅ​ស្រីមារយាទថោក?

 

ស្រុកខ្មែរសំបូរមនុស្សស្រីមារយាទថោកធុននេះខ្លាំងណាស់ មិនមែនមានតែនាងជំទាវឲ្យគេក្រិតតែម្នាក់នេះទេ

បើតាមតាស៊ីក្លូដឹង។ នៅទីក្រុងភ្នំពេញមានបារ កន្លែងសប្បាយដែលគេបង្កើតឡើងសំរាប់ជំទាវៗអបលក្ខណ៏

ដើរស្វែងរកការសប្បាយផ្លូវភេទ​ បំពេញតណ្ហាគ្មានព្រំដែនរបស់ខ្លួន។ នៅតាមបារទាំងនោះ មនុស្សស្រីធម្មតា

មិនអាចចូលទៅបានទេ ព្រោះមនុស្សស្រីដែលអាចចូលទៅបានទាល់តែជិះរថយន្តស៊េរីខ្ពស់ ពាក់ខោអាវថ្លៃៗ

ស៊ីចស៊ី មានអង្គរក្ស​ និងមានលុយចាយទាំងបាច់ៗៗៗៗ។ បារនោះសំរាប់តែជំទាវអប្បលក្ខណ៌ ជំទាវដែលគ្មាន

ក្រិត ឬជាប្រភេទមនុស្សស្រីរបស់តាៗ ឬឯកឧត្តម ដើរស្វែងរកសេចក្តីសុខក្នុងកាមារម្មណ៏ នៅពេលដែលប្រុស

ស្នេហ៏លួចលាក់របស់ខ្លួនដែលជាតាៗ ទៅគេងនៅផ្ទះជាមួយនឹងភរិយានិងកូន ឬ ចេញទៅបំពេញបេសកកម្ម

នៅក្រៅប្រទេស។ នៅតាមបារនោះ មានប្រុសសង្ហារៗ ស្អាតៗ ក្មេងៗ ដែលគេស្គាល់ជាទូទៅថាជា “ ប្រុសលក់ខ្លួន”

សំរាប់បំពេញបំណងតណ្ហាដល់ក្រុមជំទាវអប្បលក្ខណ៏ ឬ ក្រុមជំទាវអត់ក្រិត និង ចំតិតឲ្យគេក្រៀវ ។

 

ទំនាក់ទំនងរបស់ស្រីមារយាទថោកមួយនេះជាមួយនឹងឯកឧត្តមក្នុងស្ថាប័នប៉ូលីសវាជារឿងរ៉ាវផ្ទាល់ខ្លួនរបស់

អ្នកទាំងពីរ ហើយតាស៊ីក្លូមិនដឹងថាតើលោកឯកឧត្តមមានបានដឹងពីទង្វើច្រឡោងខាម ខ្វះសីលធម៌របស់ដៃគូរ

ស្នេហាលួចលាក់លើគ្រែរបស់ខ្លួនដែរឬអត់ទេ នៅពេលដែលជំទាវមារយាទថោកមួយនេះកំពុងតែប្រព្រឹត្តអំពើលាមក

 ហួសឲ្យជឿនោះ? បែបនេះចង់ឬមិនចង់ វាច្បាស់ជាមានការប៉ះពាល់ដល់កិត្តិយស មុខមាត់​របស់ឯកឧត្តម

នោះជាមិនខានព្រោះរឿងរ៉ាវត្រូវបានគេលាតត្រដាងពេញទំព័រកាសែត ផ្អើលពេញប្រទេសខ្មែរ។ ក្នុងករណីនេះ

ប្រសិនបើឯកឧត្តមនោះហ៊ានលូកដៃអន្តរាគមន៏ជួយស្រីស្នេហ៏លួចលាក់ ដែលមានបទពិសោធន៏ពេញខ្លួនក្នុង

ការលេងល្បែងនៅលើគ្រែ ឯកឧត្តមម្នាក់នោះប្រាកដជាប្រឈមមុខនឹងផ្លុវច្បាប់ និងផ្លូវសីលធម៌សង្គមជាមិនខាន។

ស្រួលមិនស្រួលច្បាស់ជារបូតបុណ្យសក្តិ​ របូតផ្កាយពីលើស្មាផងក៏មិនដឹង។ បែបនេះខ្មែរយើងគេហៅថា ” នៅ

មិនសុខ យកជ័រភ្នៅត្បៀតក្លៀក “ ។​ មនុស្សប្រុសដែលមានបុណ្យសក្តិ មានកិត្តយស ប្រសិនណាបើហ៊ានយក

ខ្លួនទៅបៀតជាមួយនឹងមនុស្សស្រីធុននេះ យូរឬឆាប់ មនុស្សប្រុសនោះនឹងបាត់បង់ បុណ្យសកិ្ត កិតិ្តយស មាសប្រាក់

ដោយសារតែមនុស្សស្រីធុននេះ ប្រភេទនេះត្រូវបានមហាជនខ្មែរដាក់ងារថា “ ​ ស្រីអបលក្ខណ៏ “ ។ មនុស្សប្រុស

ដែលក្បត់ចិត្តប្រពន្ធ លួចយកលុយទៅបំប៉ន ទៅផ្តល់ដល់មនុស្សស្រីធុននេះ ច្បាស់ជារលាយជាមិនខាន ព្រោះ

ហ៊ានក្បត់ភរិយាដែលរៀបការត្រឹមត្រូវពេញច្បាប់។ ប្រសិនណាបើមនុស្សប្រុសយើងចង់សប្បាយក្រៅផ្ទះ តាស៊ីក្លូ

មិនគិតថាគួរតែទាក់ទងជាមួយជាប់លាប់នោះទេ គឺរួចចប់សព្វគ្រប់ហើយឲ្យលុយទៅ ” ស៊ីនំឲ្យលុយ ” កុំរញ៉េរញ៉ៃ

ជាមួយច្រើនធ្វើអី វាគ្មានបានការទេ។ មនុស្សប្រុសប្រហែលជាភ្លេចបានគិតហើយថា ” ប្រពន្ធខ្លួនឯងជាដុំមាស

ស្រីប្រភេទនេះជាដុំស្ពាន់ “  ។​ មានតែមនុស្សល្ងង់ខ្លៅ ភ្លីភ្លើទេ ដែលសុខចិត្តយកដុំមាស ទៅដូរជាមួយនឹងដុំស្ពាន់នោះ !

អីក៏សំបូរម្ល៉េះនាង? ខែ កញ្ញា 22, 2009

ប៉ុន្មានយប់មុនកាលពីរដូវគេដាក់បិណ្ឌ តាស៊ីក្លូមិនសូវបានដេកបានពួនអីទេ ព្រោះអីមួយថ្ងៃៗត្រូវខំប្រឹងធាក់

ស៊ីក្លូរកម៉ូយ ក្រែងលោបានលុយយកទៅដកមេ ដកកូន ដើម្បីឲ្យជីវិតកាន់តែមានរស្មីតទៅមុខទៀត។ ក្រៅពី

ខំធាក់រកម៉ូយឌុបពេលថ្ងៃហើយ តាស៊ីក្លូឆ្លៀតធាក់ស៊ីក្លូរកម៉ូយនៅពេលយប់ទៀតក្រែងលោបានប្រាក់កំរៃច្រើន។

យប់ថ្ងៃមួយតាស៊ីក្លូធាក់ស៊ីក្លូខ្លឺតៗក្បែរម្តុំសាលាព្រះស៊ីសុវត្ថិវេលោម៉ោងក្បែរ២ភ្លឺក្រែងលោមានម៉ូយណាគេហៅ

ជិះទៅវត្តបោះបាយបិណ្ឌ ស្រាប់តែកាដុមស៊ែប កង្កែបឆា ក្រមុំដាច់ផ្ងារ រត់រកកំលោះប្រេះពោះ ! មានឡានមួយ

បើកមិនដឹងជាមកពីខាងណាខាងណីទេ (សង្ស័យតែចេញពីបារបារាំងមើលទៅ) បើកឆាប កៀរតាស៊ីក្លូតែម្តង។

សំណាងហើយដែលតាស៊ីក្លូចេះល្បុក្កតោ លោតរឡាតចេញទាន់ពេលវេលា ទៅទើនៅលើដើមកខុប កុំអីចេតរ៉យ

ជាមិនខាន។ តាស៊ីក្លូធាក់បណ្តើរនឹកគិតបណ្តើរថា មិនដឹងជាកូននរណាគេទេវ៉ើយ អាងតែមានលុយបើកឡានអី

ក៏សាហាវម្ល៉េះ មិនគោរពច្បាប់ទំលាប់សោះ មើលងាយជីវិតអ្នកក្រតែម្តងនេះ ! ស្រាប់តែកំពុងតែធាក់ៗស៊ីក្លូឃើញ

នៅតាមផ្លូវមានរឺម៉កកង់បីដាច់ផ្ងារ ហើយអ្នកបើកស្លាប់។ ធាក់ស៊ីក្លូតទៅមុខទៀតស្រាប់តែឃើញម៉ូតូត្រូវគេបុក

រតាត់រតាយ ខ្ទេចពេញផ្លូវ មនុស្សដួលរណូករណែល។ មិនអស់ចិត្តតាស៊ីក្លូខំធាក់ស៊ីក្លូតទៅមុខទៀត ដើម្បីចង់ដឹង

ឲ្យច្បាស់ថាតើមានរឿងស្អីកើតឡើង? ស្រាប់តែពុទ្ធោអ៊ើយ ៗ ! ឡានដែលបើកកៀរតាស៊ីក្លូបុកកៅអីថ្មសណ្ឋាគារ

ទៅមុខលែងរួច ហើយតាស៊ីក្លូបានឃើញអ្នកបើកឡាននោះជាស្រីស្រស់ចេញមកទាំងស្រវឹង និយាយធំស្រាហួង

 និយាយស្តីអត់មានដឹងអីទាំងអស់ ស្រែកជេរបញ្ចោរអ្នកឈរមើល ហើយសុទ្ធតែប្រើពាក្យអសុរោះ “ ឲ្យក្ត” ដល់អ្នក

ធ្វើដំណើរផងទាំងពួងដែលចោមរោមមើល។ 

 

 

រូបថតស្រីស្រស់ដែលជាមហាសេដ្ឋីនី និងជាមេកាកបាទក្រហមសំបូរ ” ក្ត ” ស្រែកចែកឲ្យអ្នកដំណើរផង

ទាំងពួងដែលចោមរោមមើល (រូបថត កាសែតកោះសន្តិភាព ឆ្នាំទី៤២ លេខ ៦៧៥៧ ចុះថ្ងៃព្រហស្បត្តិទី

 ១៧ ខែ កញ្ញា ឆ្នាំ២០០៩ )

 

 

ដោយអត់ទ្រាំមិនបាននឹងភាពជំលើយរបស់ស្រីស្រស់សេដ្ឋីនីនិងជាប្រធានកាកបាទក្រហមសំបូរ ” ក្ត ” ដែលស្រវឹង

ហើយស្រែកជេរអ្នកដំណើរផងទាំងពួង និង ចែករំលែកទាន ” ក្ត ” ដល់មនុស្សម្នាផង ហ្វូងប្រជាជនបានខោកក្បាល

មហាសេដ្ឋីនី ” ក្ត ” ស្រីស្រស់វ័យក្មេងនោះ ខ្លះដាក់មួយដៃ ខ្លះទាត់មួយជើងទៅ កុំតែបានប៉ូលីសចូលមកឃាត់ទាន់

កុំអីមឹនដឹងជាមហាសេដ្ឋីនីស្រីស្រស់វ័យក្មេង និង ជាប្រធានកាកបាទក្រហមសំបូរ ” ក្ត” យើងច្បាស់ជានៅសល់តែ

ដង្ហើមចង្រិតទេមើលទៅ ។

 

ហេហេហេហេហហេហេ សំបូរម្ល៉េះនាង? បានមកពីណាខ្លះ បានជាដើរស្រែក ចែកគេចែកឯងឲ្យតាពីស

តាពាសអញ្ចឹង? តាស៊ីក្លូនិងមនុស្សប្រុសទាំងពួងមានតែឯកវចនះទេ ប៉ុន្តែមហាសេដ្ឋីនីស្រីស្រស់ស្រវឹងមួយ

នេះមានដល់ទៅរាប់រយ រាប់ពាន់ ឬទ្វេរគុណពហុវចនះទៅទៀត ហេហេហេហេហហ ! អីក៏សំបូរម្ល៉េះនាង? 

យ៉ាងម៉េចដល់រដូវភ្ជុំបិណ្ឌ ស្រីស្រស់យើងចង់ធ្វើបុណ្យដាក់ទាន?  បែបចង់ប្រណាំងនឹងព្រះវេស្សន្តរដែលល្បី

ខាងធ្វើបុណ្យ ដាក់ទានចិត្តសប្បុរសហើយមើលទៅ តែប្លែកត្រង់ដែលទានមហាសេដ្ឋីនីវ័យក្មេងរូបស្រស់មួយ

នេះខុសពីគេខុសពីឯងបន្តិច ហាហាហាហាហហហហាហ ! ឲ្យទានឡើងសុទ្ធតែ ” !!!!!!” ហាហាហាហាហហាហា

ហាហាហាហាហ

britney spears: i am not a child ខែ កញ្ញា 14, 2009

អ្នកទាំងអស់គ្នាប្រហែលជាធ្លាប់បានស្គាល់និងធ្លាប់បានស្តាប់បទចំរៀងរបស់អ្នកចំរៀងអាមេរិកាំងល្បីល្បាញ

ជំនាន់ក្រោយឈ្មោះ britney spears មកហើយនៅបទចំរៀងដ៏សែនពិរោះមួយមានចំនងជើងថា “   I’m not

a girl not yet a woman ” ។ស្តាប់យូរៗទៅកាន់តែល្អសើចទៅៗៗៗៗៗៗៗៗៗ ហាហាហាហាហាហាហាហហ…..

បំរាម !

ហាមស្រីៗមើល ! វាជាវីដេអូឃ្លីបដែលមើលទៅរាងស៊ីចស៊ីបន្តិច ប៉ុន្តែវាមានលក្ខណះកំប្លែងល្អសើច។ វាជាប្រភេទ

វីដេអូឃ្លីបសំរាប់មនុស្សកើតស្រ្តេស អត់មានការងារធ្វើ អង្គុយមើលហើយសើចសប្បាយតែប៉ុណ្ណោះ ជាពិសេសបុរសៗ

ដែលមានបទពិសោធន៏និងជីវិតម៉ឺនឆ្នាំដូចជាតាស៊ីក្លូ។ បើស្រីៗណាហ៊ានបំពាននឹងបំរាមរបស់តាស៊ីក្លូដែលបានហាម

ហើយចូលមើលវីដេអូឃ្លីបមួយនេះ សុំទទួលខុសត្រូវដោយខ្លួនឯង ហើយហាមរិះគន់ ដៀមដាម ដល់តាស៊ីក្លូ។ វាគ្រាន់តែ

ជាខ្សែវីដេអូដែលគេលើកយកមកច្រៀងធ្វើតំរាប់តាមនាង britney spears ដោយបញ្ចូលលក្ខណះកំប្លែងទៅក្នុងនោះដើម្បី

ឲ្យបានសើចសប្បាយតែប៉ុណ្ណោះ !