ស្ទឹងស្នេហ៏ ស្ទឹងព្រាត់​ (ច្រៀងដោយលោកស្រី រស់ សេរីសុទ្ធា) ខែតុលា 20, 2011

សំណូមពរ : សូមក្រុមហ៊ុនហង្សមាសដែលអួតខ្លួនថាកំពុងតែល្បីល្បាញ (តាស៊ីក្លូមិនដែលចំណាយលុយសូម្បីតែមួយរៀលដើម្បីទិញ C D

 

 របស់ក្រុមហ៊ុននោះទេ ព្រោះបទភ្លេង ទំនុកច្រៀង សុទ្ធតែលួចពីគេ ហើយយកមកធ្វើជារបស់ខ្លួន ដោយដាក់ចំណងជើងទាំងផ្ទាំងៗ ដោយ

 

មិនចេះខ្មាសខ្លួន​…. តាស៊ីក្លូសូមហៅថាជាក្រុមហ៊ុនលួចវប្បធម៏ ឬ ក្រុមហ៊ុនចោរ​ ហើយសូមកុំប្រកែក ព្រោះនៅក្នុងភាសាខ្មែរ កាលណា

 

អ្នកណាម្នាក់យករបស់អ្វីមួយដែលម្ចាស់គេមិនអនុញ្ញាតិ គឺមានន័យស្មើចោរ) ហើយដែលសព្វថ្ងៃកំពុងតែយកបទចំរៀងចាស់ៗមកថត ច្រៀង

 

ឡើងវិញ (ត្បិតអត់ចេះនិព្វន្ធ បើទោះបីជាមានអ្នកនិព្វន្ធ ប៉ុន្តែចេះត្រឹមតែលួចចំឡងគេប៉ុណ្ណោះ) នឹងបណ្តាក្រុមហ៊ុនដ៏ទៃទៀតដែលរកស៊ីលួច

 

ចំឡងបទចំរៀងពីសម័យដើមដ៏ទៃទៀត បញ្ឈប់នូវទង្វើអសីលធម៏របស់ខ្លួន ក្នុងការក្រឡៃ កែប្រែ មរតកនិពន្ធដ៏ប៉ិនប្រសប់ របស់កវីខ្មែរ ក៏ដូចជា

 

 ក្រឡៃកែប្រែសំនៀងមាសរបស់ កំពូលអធិរាជ រាជនី ចំរៀងមាសខ្មែរតទៅទៀតព្រោះទង្វើបែបនេះ គឺជាការជីកកប់ ដុតបំផ្លាញ អត្តសញ្ញាណ

 

នឹងសម្បត្តិវប្បធម៏អរូបីយរបស់ខ្មែរ ។ សូមកុំភ្លេចថា ទង្វើរបស់អស់លោកដែលកំពុងតែធ្វើ ទាំងក្នុងអតីត នឹង សព្វថ្ងៃនេះ មិនមែនចូលរួមចំណែក

 

ធ្វើឲ្យវប្បធម៏ខ្មែររុងរឿងនោះទេ ក៏ប៉ុន្តែគឺជាការចូលរួមចំណែកក្នុងការបំផ្លាញវប្បធម៏ជាតិខ្លួនឯងទៅវិញដោយផ្ទាល់ ។ កុំឃើញតែលុយពេក ត្រូវចេះ

 

មានមនសិការខ្លះផង !!!!!!មានខួរក្បាលប្រើហើយសូមប្រើប្រាស់ខ្លះផង​ ប្រយ័ត្នស្ពឹក ដាច់សរសៃរឈាមស្លាប់ទៅ ។

 

សង្ឃឹមថាសំណូមពររបស់តាស៊ីក្លូ មិនជាធ្ងន់ធ្ងរទេ ហើយសង្ឃឹមថាបទចំរៀងនេះ ក៏ដូចជាបទចំរៀងដ៏ទៃទៀតនឹងមិនត្រូវបានបំផ្លិចបំផ្លាញដូច

 

ដែលក្រុមហ៊ុនចោរ (ក្រុមហ៊ុនហង្សមាស) នឹងក្រុមហ៊ុនរៀនធ្វើចោរផ្សេងៗខ្លះទៀត បានធ្វើ នឹងបានកំពុងធ្វើ។

 

 

១.  ស្ទឹង….. អ៊ឺ…..ស្នេហា  ​​       ធ្លាប់បានសច្ចាថាមិនព្រាត់គ្នា

  ​     ម្តេចឡើយវេរាមកផ្តន្ទាឲ្យយើង បែកគ្នាបាន ។

 

២. ស្ទឹង… អ៊ឺ…. ជីវិត  ​       ​     ​សូមអ្នកជួយចាំជាសាក្សី

      ថាខ្ញុំសែននឹក នឹកប្រុសថ្លៃ នឹកគ្មានថ្ងៃ បំភ្លេចឡើយ ។

 

R.  អូហ៏…… ទឹកហូរលាច្រាំង (…) ទាំងក្តីប្រាថ្នា

   ​   (…) ទ្រនំវាសនា ដែលអូនចារ លើ (……)

 

៣. ទឹកស្ទឹង…អ៊ឺ…. ទឹកភ្នែក   អូនយំស្រែករកបងរាល់ថ្ងៃ

​​​​        ស្ទឹងខៀវថ្លាយង់ ចាំងរស្មីថ្ងៃលែងមានន័យ យើងព្រាត់គ្នា ។

 

ចំណាំ :  (……..) មិនច្បាស់ ព្រោះតាស៊ីក្លូស្តាប់មិនបាន ដូច្នេះមិនហ៊ានសរសេរដាក់ ព្រោះខ្លាចខុសពីអត្ថន័យដើម។ សូមថ្លែងអំណរគុណ

 

ជាអរណេកផងដែរដល់លោក Darrenvkham ដែលបានដាក់បញ្ចូលបទចំរៀងខ្មែរពីដើមនៅក្នុង youtube ដោយភាគច្រើនបទទាំង

 

នោះជាភ្លេងដើម ព្រមទាំងមានបរិយាយខ្លះៗពីប្រវត្តិនៃបទចំរៀងទាំងនោះ។ ទង្វើដ៏ល្អរបស់លោក ធ្វើឲ្យតាស៊ីក្លូអត់ទ្រាំស្ងើចសរសើរ

 

មិនបាន។